KAMATI YA USHAURI YA WILAYA YA KOROGWE (DCC),YATOA MAONI DIRA YA TAIFA YA MAENDELEO 2025

Posted on: July 23rd, 2024

KAMATI ya Ushauri ya Wilaya ya Korogwe (DCC), Ikiongozwa na  Mwenyekiti wake, Mkuu wa Wilaya ya Korogwe, Mhe. William Mwakilema, leo tarehe 23/7/2024 imetoa maoni kwenye maandalizi ya Dira ya Taifa ya Maendeleo ya 2025 katika kikao kilichofanyika kwenye Ukumbi wa Mikutano wa Halmashauri ya Mji wa Korogwe.

Katika kikao hicho kilichohudhuriwa na Kamati ya Usalama ya Wilaya, Viongozi wa dini kutoka Halmashauri ya Wilaya ya Korogwe na Halmashauri ya Mji wa Korogwe , watu maarufu, wakuu wa taasisi za umma, viongozi wa vyama vya siasa, Wakurugenzi wa Halmashauri ya Wilaya na Mji pamoja na wakuu wa idara na vitengo wa Halmashauri zote za Wilaya ya Korogwe.

Mhe. William Mwakilema  aliwashukuru washiriki wote kwa kufika wakati wa kufungua kikao hicho na kuwaeleza kwamba kupitia kikao hicho kuna umuhimu mkubwa wa kuonyesha ni matarajio yapi wanatamani kufikia katika wilaya ya Korogwe katika utekelezaji wa miaka 25 ijayo ya Dira ya Taifa ya Maendeleo ya 2050.